ఆర్టికిల్ 371 డి.విభజనకు ఆటంకం కాదు

జోనల్ వ్యవస్థకు కీలకంగా ఉన్న ఆర్టికల్ 371-డి ని సవరించకుండా రాష్ట్ర విభజన సాధ్యం కాదన్న సీమాంద్ర నేతల వాదనను టిఆర్ఎస్ నేత,మాజీ ఎమ్.పి వినోద్ తోసిపుచ్చారు.371డి వల్ల విబజనకు ఎలాంటి ఆటంకం ఉండదని ఆయన స్పష్టం చేస్తున్నారు.రాజ్యాంగ సవరణ చేసి రాష్ట్ర విభజన చేయవచ్చని వినోద్ పేర్కొన్నారు. గతంలో పంజాబ్-హర్యానా విడిపోయినప్పుడు కూడా 371 రాజ్యాంగ సవరణ చేశారని వినోద్ తెలిపారు. ఆర్టికల్ 371-డి పై తోచిన విధంగా మాట్లాడుతున్నారని వినోద్ వ్యాఖ్యానించారు.రాష్ట్రాల ఏర్పాటుకు సంబంధించి ఆర్టికిల్ 3 అత్యంత ముఖ్యమైనదని ఆయన చెప్పారు.